Tuesday, 17 October 2017
ମରୀଚିକା
ତୁମରି ଭରଷାରେ ଥିଲି ମୁଁ ଚାହିଁ
ଭାଗ୍ୟର ସବୁ ଖେଳରେ ବିଜୟୀ ପାଇଁ
ସଫଳତାର ସୀଢୀ ଚଢ଼ୁ ଚଢ଼ୁ ,
ମୁଁ କି ଜାଣିଥିଲି ,
ଖସିଯିବ ଗୋଡ
ଅନ୍ଧକାର ର ଆଢୁଆଳେ
ସ୍ବପ୍ନ ର ଦହନେ ଜଳି ଯିବା ପାଇଁ ||
ଏକା କରିଗଲ ଏମିତି ବେଳରେ
ନଥିଲେ କେହି ମୋ ଭାଗ୍ୟରେ
ଏମିତିକି ହସିବା ପାଇଁ ||
ନିର୍ମମତା ର ଦେଲ ଭଲ ଉଦାହରଣ
କାହିଁଗଲା ସେ ବିସ୍ୱାଶର ଚରମ ,
ଭଲପାଇବା ନଥିଲା ଯଦି
ଦୟା ତ ଥିବ କେଉଁଠି ଲୁଚି ,
ଏ ଦାରୁଣ ହୃଦୟବିଦାରକ ଚିତ୍କାର
କେଜାଣି କେମିତି ତୁମ କର୍ଣ୍ଣ ଗହ୍ବରେ
ପଡିଲା ନାହିଁ , ପଡିଲା ନାହିଁ ||
କେତେ ଯେ ଆଖି ଲୁହର
ସାକ୍ଷୀ ସେହି ରାତ୍ରି ଅନ୍ଧାର ଏକାକୀର
ଏ ଦୁନିଆଁ ରେ ବଞ୍ଚିବାର ଆଶା ଦେଖାଇ
ସୁଖର ମଧୁ ଚଖାଇ
ଏକବାରେ ଭରିଦେଲ ଜହର,
ପ୍ରେମ ର ତୃଷ୍ନା ମେଣ୍ଟାଇବା ପାଇଁ
ପି ଚାଲିଲି ତୁମରି ଆଖିକୁ ଚାହିଁ ||
ସେତିକି ରେ ପୁରିଲାନି ମନ ତୁମ
ତୁମେ କିବା ସତେ ଜାଣିବ
ଆଶ୍ୱାସନା ର ନାମ
କେତେ ଦୁର୍ଦାନ୍ତ ତୁମ ଯୋଜନା ଥିଲା
କିପରି ହୃଦୟ ତୁମ ବିକଳ ନ ହେଲା
ଦେଖି ହସୁଥିଲ, ଦେଖି ହସୁଥିଲ
ଆଉ ମୁଁ ବି
ଦଉଡୁଥିଲି ଏକ ମରୀଚିକା ପାଇଁ
ଏକ ମରୀଚିକା ପାଇଁ ||
Subscribe to:
Posts (Atom)